Skrifað af: Sunnu Hlín
Miðvikudagur, 04. ágúst 2010 12:01
UPPFÆRT Uppsveitarvíkingurinn = OK Búðarmótið Keppendurnir í fyrra Ljósm. Rakel Lilja Þá er komið að mótinu sem áður hét Uppsveitarvíkingurinn en nú OK búðarmótið þar sem það verður ferðatölva í vinning. Keppendur sem hafa staðfest komu sínar eru Hafþór Júlíus, Úlfur Orri, Árni Freyr Stefánsson, Ari Gunnars og Georg Ögmunds. Þeir sem vilja skrá sig á mótið geta haft samband við Hjalta í síma 897-8626. Mótið hefst eins og venjan er á dekkjaveltu kl 16.00 á föstudeginum fyrir framan Fjörðinn í Hafnarfirði. Á laugardeginum hefst mótið kl 13.30 við Brúnna á Selfossi þar sem keppt verður í Réttstöðulyftu (Ef það verður rigning þá verður Réttstaðan tekin út og sett önnur grein í staðin). Á Selfoss er haldin Bæjarhátíð á sama tíma og fara hinar greinarnar fram á hátíðarsvæðinu um 50m frá brúnni. Þar verður keppt í Kúta og lóðkast yfir rá og Overhead Medley (Sirkus Handlóð - Appalo öxull - Náttúrusteinn á tíma). Mótinu lýkur svo í Hveragerði kl 16.00 þar sem keppt verður í Krossfestulyftu og Medley (Uxaganga, bændaganga og steinatök). Smellið að nánar til að sjá sundurliðaða dagskrá og keppendalista
Síðast uppfært: Föstudagur, 06. ágúst 2010 15:46
Nánar...

Skrifað af: Sunnu Hlín

Laugardagur, 24. júlí 2010 13:03

Úrklippur

Víkurfréttir.is

Sturla sterkastur

Íþróttir | 24. júlí 2010 | 13:03:43

Sturla Ólafsson sigraði nýverið í keppninni um Sterkasta mann Íslands, -105 kg annað árið í röð.

Fyrsta greinin var lóða og kútakast yfir rá á tíma. Kastað var 15 kg bjórkút, tveimur 16 kg ketilbjöllum, 20 kg bjórkút og 25 kg lóði yfir 3,65m. Sturla sigraði í þessari grein á 17,02 sek. Næsti á eftir var á 19,21 sek. Frábær spenna í þessari grein.

Næsta grein var 50 kg Sirkus handlóð á 90 sek. Andri Björns tók mjög traustan sigur með 13 lyftur. Sturla deildi þar öðru sætinu með 10 lyftur.

Þriðja grein var vel þungur trukkadráttur með traktor upp mikinn halla og dregið 25 metra á hellulagðri gangstétt. Aðeins tveir menn gátu klárað og það voru reynsluboltarnir, Árni Freyr og Sturla, en Sturla var með betri tíma, 58,4 sek. en Árni fór brautina á 74,65 sek.

Næsta grein var 105 kg bóndaganga, 25 metrar á tíma. Eina ferðina enn var mikil spenna í greininni og Árni Freyr og Sturla voru næstum jafnir á tíma en Stulli vann með 10,03 sek á móti 10,75 sek.

Síðasta greinin var Atlassteina hleðsla, 90, 110, 125 og 140 kg. Úrslit þessarar greinar kom mörgum á óvart þar sem Andri Björns var sá eini sem náði að klára greinina. Steinarnir voru á grasi og þegar menn eru með harpix á puttunum festist grasið bara í harpixinu og það truflaði vissulega keppendur. Árni Freyr var í öðru sæti í þessari grein og Sturla í þriðja, báðir undir 20 sek. með 3 steina.

Annar Suðurnesjamaður, Daníel Sæmundsson tók þátt í keppninni og hafnaði í 8. sæti.

Skrifað af: Sunnu Hlín
Föstudagur, 23. júlí 2010 12:10
Grundarfjarðartröllið ekki haldið í ár Keppnin um Grundarfjarðartröllið verður því miður ekki haldið í ár .

Skrifað af: Sunnu Hlín
Miðvikudagur, 21. júlí 2010 13:12
Hvað er að frétta Sigfús Fossdal ? Síðustu mánuði hefur verið nóg að gera hjá Sigfúsi þar sem hann var að undirbúa sig fyrir Evrópumót WPF, opnaði gym, skipulagt mót, eignat litla stelpu og ýmislegt fleira. Félagarnir Páll Logason & Sigfús Fossdal á HM WPF 2009 sem haldið var í Las Vegas Ljósm. Ingibjörg Óladóttir Nú varstu mótshaldari á nýafstöðnu Evrópumóti WPF hvernig fannst þér útkoman ? Evrópumótið á Akureyri var að mínu mati mjög gott mót. Undirbúiningurinn var mjög erfiður, sérstaklega í ljósi þess að EPC ákvað í lok maí að aflísa EM en viku seinna var það sett á aftur. Þetta gerðu þeir út af eldgosinu sem á þessum tíma var að hætta. Vegna þessa var lítið um útlendinga þarna, en það kom aldrei til greina af okkar hálfu að gefast upp þar sem að mikið var skráð af íslendingum á mótið, og vildum ekki bregðast þeim.
Nánar...

Skrifað af: Sunnu Hlín
Föstudagur, 16. júlí 2010 15:05
Ísland í öðru sæti á smáþjóðaleikum Sigurður, Hrannar, Gísli, Erlendur og Guðmundur Helgason fararastjóri í fanginu á strákunum Smáþjóðaleikarnir í ólympískum lyftingum 2010 voru haldnir í Kýpur um síðustu helgi. Ísland sendi fjögurra manna lið, sem náði öðru sæti á mótinu. Aðrar þjóðir sem tóku þátt voru Kýpur, Malta, Luxemburg og San Marínó. Lið Kýpurbúa sigraði í leikunum og Luxemburg varð í þriðja sæti. Smellið á Nánar
Nánar...